El sia riĉa fantazio ŝi ĉerpis romantikajn - iom ekstremajn temojn. Ŝi verkis por la scenejo, ĉefe komediojn kun humanisma mesaĝo. Plurloke grupoj da esperantistoj surscenigis ŝiajn komediojn. Ŝia graveco estas notinda: ŝi havis larĝan horizonton kaj okupis sin pri problemoj - la virina egalrajto k.c. - kiuj ĝenerale ne tre incitis la fantazion de la tiutempaj Esperanto-verkistoj. Ŝi kontribuis al aro da Esperanto-gazetoj. Krom amasaj artikoloj - ankaŭ en la franca - ŝi eldonis:
Duonsurda (komedio 1907; 2a eld. 1922)
La fianĉiniĝo de Sovaĝulineto (dramo 1909; 2a eld. 1922)
La senlaca sinofero (noveloj 1911)
La morgaŭa virino (dialogo 1912)
Geedziĝopeto (komedio 1913)
Tradukis Mia onklino Tatiana Aleksandrovna de Tolstoj (1911).

/33 Rakontoj, Red. de Reto Rossetti kaj Ferenc Szilágyi. La Laguna: Régulo, 1964.
/Zofia Banet Fornalowa en Literatura Foiro 187.
/Enciklopedio de Esperanto, 1934, p. 141