Nikolajs Ķurzēns
ĶURZĒNS, Nikolajs. 1910-1959. Latvo; ŝtatoficisto, ekonomikisto. Naskiĝis en Alūksne. Lernis Esperanton en la 1920aj jaroj kiel mezlernejano. Vicprezidanto de Latvia Esperanto-Societo. Redaktoro de "Ondo de Daŭgava", (1932-34). Kunlaborinto de "Literatura Mondo" kaj "Norda literaturo". Multe tradukis el la latva prozo kaj poezio. Poemoj en Dekdu poetoj (1934). Vivis en Germanio dum la dua mondmilito. Revenis al Latvio en 1945 sed estis deportita al norda Rusio por kelkaj jaroj.
/Enciklopedio de Esperanto, 1934
"Unu el la plej talentaj originalaj poetoj. Majstro de etaj formoj, per kiuj li diras la krudan realon, sen poezia ornamo, sed liaj komparoj ofte aperas kvazaŭ per forto de revelacio. Liaj tradukoj el la latva apartenas al la plej bonaj tradukitaj poemoj."
"Kantisto de vivsopiro, de malkontento, de amara spito kontraŭ malvastaj horizontoj. Li havas preskaŭ solan temon: la senpovon de junulo malsata je l' vivo. sed sur tiu sola temo li faras variaĵojn konsterne riĉajn. Li revas pri la granda vivo kaj abomenas la palecon de tiuj revoj, li volas realon karnan kaj sangan, volas kroĉiĝi en ĝin per sangaj ungoj kaj dentoj, serĉas ebrion, plendas postebrian senreviĝon; serĉas momentajn ĝojojn, priplendas ilian momentecon en eterna malkontento, kiu spasme tordas lian koron.
Verkoj:
Liaj poemoj aperas ankaŭ en Esperanta Antologio (1984).
Legu artikolon de Baldur Ragnarsson, origine en Juna amiko, poste aperinta en Libera Folio 2005:
Legu poemojn de Nikolajs Ķurzēns: el la libro Dekdu Poetoj Legu artikolon de Baldur Ragnarsson pri Nikolajs Ķurzēns:
Legu artikolon de Carlo Minnaja kadre de Nia Trezoro, en La Ondo de Esperanto 2012:
Reen al: Aŭtoroj - Romanoj - Noveloj/rakontoj - Poemaroj - Dramoj |