Gudrun Riisberg

RIISBERG, Gudrun. Danino; kontoristo. Lernis Esperanton en 1936. Loĝis en Århus, Jutlando, kaj en Albertslund apud Kopenhago. Verkis danlingvajn novelojn, kiuj aperis en gazetoj kaj revuoj. Instruis Esperanton al infanoj. Dum la 1980-aj jaroj ŝi estis redaktoro de la porinfana gazeto 'Infana Klubo 10'. Multe recenzis en Dansk Esperanto-Blad 1953 - 1972. Post la emeritiĝo si tradukis Esperanten 15 el siaj noveloj. En 1972 la novelaro estis eldonita sub la titolo 'Suno kaj Pluvo'. Esperantigis plurajn danajn verkojn por gejunuloj.

Verkoj:
Suno kaj pluvo (novelaro, 1972)
Gajaj klubvesperoj (Skeĉoj & ludoj, 1970, 1971)

Tradukoj:
Lyngbirk Jytte - Kit vivas 1973.
Fisker Robert - Morse-klubben Morso-klubo 1973.
Christoffersen Rigmor - Else kaj Bo. 1974.
Hermansen Knud - Grete og Jep. Grete kaj Jep 1975.
Hansen Eva Hemmer - Bodil og Pigebanden. Bodil kaj la bando 1976.
Nielsen Torben - Venis Viro 1976.

En Dansk Esperanto-Blad Marto 1972 oni skribas:
Ĵus aperis libro de Gudrun Riisberg, konata al ĉiuj legantoj de D.E.B pro ŝiaj recenzoj, SUNO KAJ PLUVO, 15 noveloj pri temoj variaj kiel suno kaj pluvo: de kortuŝa melankolio, tra streĉa dramatiko ĝis malpeza gaja humoro. 80 paĝa.

/ Betty Chatterjee, Esperanto en Danio, 2012.

Legu pli multe pri Gudrun Riisberg inkluzive de la novelo La Birdoj de Onklino Maria ĉi tie: Pri la forgesita verkistino Gudrun Riisberg.

Reen al: Aŭtoroj – Romanoj – Noveloj/rakontoj – Poemaroj – Dramoj