Mikaelo Bronŝtejn: Dek tagoj de kapitano Postnikov

BRONŜTEJN, Mikaelo ; Dek tagoj de kapitano Postnikov ; 334p + 8-paĝa fotaro ; movada ; 2004 ; Tiĥvin ; 2a eld. reviziita kaj korektita, Impeto, Moskvo, 2010.

Legu recenzon de Nikolao Gudskov en Monato: Reveno de heroo

Legu recenzon de Sten Johansson: Impona kungluaĵo senglua

Legu recenzon de Valentin Melnikov en La Ondo de Esperanto: Iom da bono de Bruna Ŝtono

Legu recenzon de Ĵak LePuil en La Kancerkliniko:
Dek tagoj de kapitano Postnikov

Legu recenzon de Domagoj Vidović: Dek tagoj de kapitano Postnikov

Legu recenzon de Donald Broadribb en Esperanto sub la Suda Kruco :
Dek tagoj de kapitano Postnikov

Legu recenzon de Marie-France Conde Rey en Literatura Foiro :
Neperfortita historio

La historia romano "Dek tagoj de kapitano Postnikov" de Mikaelo Bronŝtejn pri eventoj en Rusia Esperantujo antaŭ cento da jaroj estas unika fenomeno en nia literaturo. Sub la plumo de la talenta verkisto revivas konataj Movadaj figuroj, inkluzive Ludovikon Zamenhof. Ili agas, vigle dialogas kaj malkovras al ni malklaraĵojn en nia historio. La aŭtoro tre bone konas la epokon: la homojn, la morojn, la realaĵojn, la gazetaron de tiu periodo kaj lerte enplektas ilin en sian rakontadon. Li bone posedas tiaman lingvaĵon. Ĉio ĉi kreas efekton de ĉeesto. Se aldoni, ke la romano havas sufiĉe streĉan, eĉ detektivan, intrigon, rezultas bonkvalita kaj fascina romano.
Boris Kolker (Usono)

Jen la brava, juna, ĉarmega oficiro Postnikov, kiu, en la tempo de niaj pioniroj, gvidis la rusan E-movadon. Eniru en lian vivon, liajn revojn, liajn renkontojn, dum la krozado al Ameriko por la Washingtona Universala Kongreso. Dank' al kunmetado de tre diversaj dokumentoj, spektu la maturiĝon de nia Historio. Vidu kiel kunagas la noblaj streboj kaj la bazaj impulsoj. Aŭskultu la saĝajn parolojn de Zamenhof, kiujn post jarcento ni ankoraŭ ne funde enlumigis. Kaj se foje la rakonto amare gustas, tamen je la fino ni kapablos danki tiujn tiom sincerajn praesperantistojn.
Marie France Conde-Rey (Francio)

Mi delonge ne legas tiel nomatajn "historiajn romanojn", ĉar opinias, ke ĉion en ili diratan elpensas la aŭtoroj. Tamen leginte la novan historian romanon de Mikaelo Bronŝtejn, mi havas la impreson, ke li, doninte multajn dokumentojn kaj citaĵojn el la gazetaro ruslingva kaj esperanta - krom la konversacioj de la konataj historiaj E-personoj - sukcesis kredinde prezenti la tiutempan politikan-socian atmosferon en Rusio kaj en la esperantista medio. Leginda libro!
Vladimir Samodaj (Rusio)

Reen al: Mikaelo Bronŝtejn - Aŭtoroj - Romanoj - Noveloj/rakontoj - Poemaroj - Dramoj