Argus: Pro kio?

ARGUS (ELLERSIEK, Friedrich Wilhelm) ; Pro kio? ; krimromano ; 1920 ; 158 p. ; 2a korektita eldono: Mondial, Novjorko, 2008

"Vera policromano. Temas ne nur pri terura krimo kaj lerta trovado de l' krimulo tra diversaj aventuroj kaj landoj, sed ankaŭ pri amnaskiĝo kaj ĝia evoluo al edziĝo inter la ĉefpersonoj. La verkisto mirinde uzas nian lingvan riĉecon." /G.S., Esperanto, 1921, p. 55.

"Tiu interesa romano aperis iam dum la milito en la "Internacia Bulteno" eldonita de Germana E. servo. Sub la rubriko Literatura Revuo de Januaro 1918 ĝis Januaro 1919.

Vera romano ĝi estas ĉar temas ne nur pri terura krimo kaj lerta trovado de l' krimulo sed ankaŭ pri amnaskiĝo kaj ĝia evoluo al natura fin edziĝo inter la ĉefpersonoj. La aŭtoro posedas veran talenton de verkisto kaj la stilo tre agrabla."
/Courtinat: Historio de Esperanto, 1964

"Tiu ĉi romano estas tipa el sia epoko, nek pli nek malpli bona ol centoj da aliaj. La detektivo estas ja policano, kriminal-komisaro von Merten, kiu havas sian helpanton kriminal-policanon Kruse, sed ili ŝajnas sufiĉe sendependaj de pli alta oficiala kontrolo. Von Merten ŝuldas al Sherlock Holmes dian deduktan metodon - kaj eble ankaŭ sian pligrandigan lupeon. [...]

Merten postkuras sian krimulon internacie, sen tro multaj formalaĵoj, kaj survoje akiras kiel helpantinon belan usonaninon, al kiu li enamiĝas kaj, en la lastaj linioj de la libro, fianĉiĝas. Kaj la solvo de la krimproblemo? Ho, tio okazas tre dramece, vere tro dramece, per konfrontiĝo ĝuste kiam la krimulo estas faronta alian murdon; li klopodas fuĝi per aŭtomobilo, sed renversas ĝin kaj estas mortigita. Mi ne scias, ĉu tio estis unikaĵo en 1920..."
/William Auld: Vereco, distro, stilo. 1981.

Legu recenzon de Sten Johansson: Surprize bona

Legu recenzon de Norberto Díaz Guevara : Komisaro en tri labirintoj

Legu recenzon de Georges Stroele el Esperanto 1921: Pro kio?

Legu recenzon de Vilho Setälä el Esperanta Finnlando 1921: Pro kio?

Legu recenzon de Fernando Pita el Esperanto 2018: Pro kio? Nia unua kriminalromano, reeldonita!

Reen al: Argus (Friedrich Wilhelm Ellersiek) - Aŭtoroj - Romanoj - Noveloj/rakontoj - Poemaroj - Dramoj