Vizitis tre dika abato
la cirkon iam je sabato.
Oni diris al li:
"Vi devas pagi por tri,
sed estos donata rabato."
1987
Jen ĉino en fora Pekino
parolis al sia edzino:
"Se estus vi sveda,
mi trovus vin teda -
al ĉino nur plaĉas ĉinino!"
Milionul' en Parizo
trafiĝis de l' mezviva krizo.
Malantaŭ Hinduj'
fariĝis li tuj
derviŝo sen ŝu' kaj ĉemizo.
Muzikistin' en Manĉestro
amoris kun la orĥestrestro.
Dum fug' en minor'
haltis lia kor' -
ŝi donis al li da kares' tro.
Parolis turisto en Malmö
"Prefere ol kapti la salmö,
aŭ naĝi en fjordo
en malvarma nordo
mi ludas kun ŝalmö sub palmö!"
Renkontis du urugvajaj
knabinoj kun tri uloj tajaj.
La komuniko
okazis per fi...ngroj.
La kvin estis tamen tre gajaj.
Al homo malriĉa en Dovro
tre mankis varmiga pulovro.
"Ne restu", jen li-
a vivfilozofi',
"pro povro en Dovro sen kovro!"