Super la nuboj

Über den Wolken

Reinhard Mey

1. 
Blovas vent' sur flugvoj' tri 
Laŭte bruas la motoroj 
Fulmrapidas la avi' 
ĝin mi aŭdas nur el foroj 
Kaj malsekas la asfalt' 
Falas pluvo kaj trankvilo 
Startas, ŝvebas ja sen halt' 
nuben la aviadilo.

Rekantaĵo
        Super la nuboj 
        ĝuus mi liberecon sen fin' 
        Ĉiuj timoj, ĉiuj zorgoj de mi 
        sur la tero postrestus kaj ti' 
        kio iam al mi gravis sur ter' 
        estus nula afer'.

2. 
Mi rigardas longe ĝin 
Estas la ĉiel' obskura 
Pro griz' pluva la maŝin' 
nun fariĝas senkontura 
Jam perdiĝis el okul' 
la avia eta lumo 
Nur penetras tra l' nebul' 
la monotona zumo.

3.
Ne aŭdeblas la avi' 
Pluvpleniĝas mia jako 
Sur voj' kafon flaras mi 
ĉe la flugkontrolbarako 
En la flakoj la benzin' 
nun irizas por l' okulo 
Se mi sidus en maŝin' 
estus mi feliĉulo.

Tiu cxi TTT-ejo membras en Kreskanta Kantaro. [ Posta ] [ Antaua ] [ Hazarda ] [ Listigu ] [ Aldonu ] [ Redaktu ]