Kiel citi en Uzreto

El la teksto "Doing Things the Usenet Way", de Greg Morrow, libere tradukita kaj adaptita de Martin Weichert.

Uzreto ("Usenet", retnovajxoj, novajxgrupoj, forumaro) jam ekzistas delonge, kaj multaj diversaj normaj kutimoj aperis en gxi. Tiu cxi dokumento provas klarigi kelkajn el tiuj normaj kutimoj.

Citado

Kiel citi

Sami Deano <sami@interreto.com> skribis:
> Mi ne komprenas kial Zamenhof inventis literojn kun cxapeloj
> por sia lingvo. Cxapeloj estas tiel eksmodaj. Mi preferus
> lingvon kun pluvombreloj super la literoj, tio aspektas pli
> elegante. Cxu iu scias kial Zamenhof elektis tiujn stultajn
> cxapelojn?

Kara Sami,
Jes, Zamenhof klare skribas pri la demando de cxapeloj aux
pluvombreloj en siaj _Lingvaj Respondoj_, pagxo 917, ke
...

Suficxe simple. Vi donas la nomon kaj retposxtan adreson de tiu kiu skribis la cititan tekston (la fontindikon), kaj vi aldonas specialan signon al la komenco de cxiu linio da citita teksto, la citsignon, kutime kun unu aldona spacosigno. Plej ofte uzata citsigno estas la pli-ol-signo ">", kaj ekzemple multaj retforumaj kaj retposxtaj programoj havas komandon por auxtomate citi tekston en tiu formo. Kelkaj variajxoj ekzistas, ekzemple iuj retanoj (aux iliaj novajxlegaj programoj) aldonas ekz-e daton aux mesagx-identigilon en la fontindiko, kaj iuj uzas dupunkton anstataux pli-ol-signon kiel citsignon. Tiuj variajxoj ne multe gravas, krom tio ke la fontindiko kun tiaj aldonoj povas farigxi pli longa ol 80 signoj, kion oni prefere evitu (laux alia, establigxinta kutimo en Uzreto). Krome, miksi malsamajn citsignojn povas konfuzi kiam oni havas plurajn nivelojn da citado.

Per precize sama maniero oni citu ankaux mesagxon kiu mem enhavas cititan tekston, tamen prefere sen la ekstra spacosigno, ekzemple:

Funda Mentulo <fumo@ling.uni-zamenburg.eo> skribis:
> Sami Deano <sami@interreto.com> skribis:
>> Mi ne komprenas kial Zamenhof inventis literojn kun cxapeloj
>> por sia lingvo. Cxapeloj estas tiel eksmodaj. Mi preferus
>> lingvon kun pluvombreloj super la literoj, tio aspektas pli
>> elegante. Cxu iu scias kial Zamenhof elektis tiujn stultajn
>> cxapelojn?
> 
> Kara Sami,
> Jes, Zamenhof klare skribas pri la demando de cxapeloj aux
> pluvombreloj en siaj _Lingvaj Respondoj_, pagxo 917, ke
> ...

La respondo de s-ro Mentulo tamen ne mencias ke oni rekonsideris
pluvombrelojn dum la pluvego en la Universala Kongreso de
...

Tiu maniero citi havas plurajn avantagxojn:

• Oni tuj vidas kiu parto de la teksto estas citajxo. Do tiu, kiu jam vidis la cititan artikolon povas rapide transsalti gxin por tuj legi la fresxajn kontribuojn.
• Oni povas klare distingi kiu skribis kion.
• Plurnivela citado funkcias senprobleme.
• Cxar tiu metodo jam estas tradicia en Uzreto, plej multaj retanoj preferas legi kaj skribi citajxojn tiel.
• Cxar tiu metodo jam estas tradicia, ankaux multaj retposxtaj kaj forumaj programoj auxtomate subtenas tiun formon, ekz-e ili facile produktas tiajn citajxojn, kaj/aux ili povas rekoni citajxojn tiel kaj montri ilin en aparta fasono.

Citstilo

• JES inkluzivu suficxe da citita teksto por la kunteksto de la diskuto.
• JES inkluzivu la fontindikon (kutime retposxtan adreson kaj nomon) de la citajxo.
• NE citu la tutan mesagxon -- se vi citas pli ol dek sinsekvajn liniojn sen intermeti komenton, vi jam citas tro. Neniam, NENIAM citu pli ol unu ekranplenon en unu fojo. Retanoj kutime transsaltos vian mesagxon per unu rapidega klavfrapo kiam ili vidas tutan ekranplenon da nura citajxo.
• NE konservu tro multajn citnivelojn. Se vi lasas en via mesagxo pli ol du nivelojn da citado, vi jam citas tro.
• NE citu la "signaturon" (= la artikolpiedon kun adiauxa frazo, subskribo, adresindikoj k.s.), krom se vi eksplicite komentas al gxi.

Vidu ankaux:

• "Doing Things the Usenet Way" / Greg Morrow
• La "Bluaj Pagxoj" de Esperanto / Martin Weichert